ئامادەكاری بۆ بەڕێوەچوونی چوارەمین فیستیڤاڵی فلیمی نێودەوڵەتی لە سلێمانی راگەیەندرا

لە هۆتێل رامادای شاری سلێمانی چوارەمین فێستیڤاڵی فلیمی نێودەوڵەتی سلێمانی راگەیەنرا كە بڕیارە لە یەكی تشرینی یەكەمی ئەمساڵ بەڕێوەبچێت , لە رێورەسمێكدا ئامادەكارییەكانی فێستیڤاڵەكە خرایەروو و ستافی ئامادەكارانی لە كۆمپانیای مەستی فلیم رایانگەیاند زیاتر لە 150 بەرهەمی سینەمایی نمایش دەكرێت كە لە ئاستێكی هونەری بەرزدا كاریان لەسەر كراوە , هەر لە رێوڕەسمەكەدا مەلا بەختیار سەرپەرشتیاری فێستیڤاڵ رایگەیاند بەخۆشحاڵییەوە كۆڵمان نەدا تا ئەم فێستیڤاڵەمان گەیاندە چوارەمین خول, لەبەشێكی تری رێورەسمەكەدا مەلا بەختیار خەڵاتی رێزلێنانی بەخشییە ئەو كەسانەی وەك ئەنجومەنی بەڕێوەبردنی فێستیڤاڵە نێودەوڵەتییەكە كاریان كردووە.