دوو منداڵی كورد دەبنە داوەری فێستیڤاڵێکی فیلمی منداڵان لە ئێران

لە 32هەمین فێستیڤاڵی منداڵان بۆ فیلم، كە لە شاری ئیسفەهانی ئێران بەڕێوە دەچێت، دوو منداڵی كوردی خەڵکی هەرێمی کوردستان بە داوەری فێستیڤاڵەكە دەستنیشان كراون و هەڵسەنگاندن بۆ فیلمە بەشداربووەكان دەكەن.

فێستیڤاڵەكە ڕۆژی 2019/8/19 بە بەشداری 27 وڵات بەڕێوە چووە و تاوەكوو ڕۆژی سێشەممەی داهاتوو 2019/8/27 بەردەوام دەبێت، منداڵەكان ناویان (میلان و مەستی فوئاد)، كوڕ و کچی فوئاد جەلال، خاوەنی كۆمپانیای مەستی فیلمن، كە ساڵانە فێستیڤاڵی فیلمی سلێمانی بەڕێوە دەبەن.