top of page
Search

سنەوبەری ئاڵتونی فێستیڤاڵی فیلمی نێودەوڵەتی سلێمانی پێ بەخشرا

ساڵانە فێستیڤاڵی فیلمی نێودەوڵەتی سلێمانی لە ڕێکەوتی ١/١٠ تا ٧/١٠ ی هەموو ساڵێک لە شاری سلێمانی لە بەڕێوەدەچێت کە کۆمپانیای مەستی فیلم بەرێوەی دەبات. لەچوارچێوەی چالاکی ساڵانەی دەزگای فێستیڤاڵی فیلمی نێودەوڵەتی سلێمانی و کۆمپانیای مەستی فیلم دا بەدەر لە بەڕێوەچونی فێستیڤاڵ، ڕێزلێنانێکی تایبەت بەو کەسایەتییانە دەکرێت کە خزمەتێکی زۆر بە بواری هونەری و ڕۆشنبیری شاری سلێمانی دەکەن. بۆ ئەم مەبەستە، بەڕێوەبەرانی فێستیڤاڵی فیلمی نیودەوڵەتی سلێمانی سەردانی بەڕێز فاروق مستەفا ڕەسوڵ یان کرد، تا لەنزیکەوە سوپاسی هەموو هەوڵ و ماندوبوون و پشتگیرییەکانی بکەن کە بەڕێزیان پێشکەشی فێستیڤاڵی فیلمی نێودەوڵەتی سلێمانی و هەموو ئەو کاروچالاکییانەی لە بواری هونەری و ڕۆشنبیری و کەلتووری دا کردوويانه.


ساڵانە کۆمپانیای ئاسیاسێڵ کە یەکێکە لە کۆمپانیا گەورەکانی پەیوەندییەکان لە عێراقدا، هاوبەشێکی سەرەکی بەڕێوەبردنی فێستیڤاڵەکەیە و بۆ ئەم ساڵی فێستیڤاڵ لەگەڵ خودی بەڕێز کاک فاروق مەلا مستەفا جەختیان لەوە کردەوە کە خولی پێنجەمی فێستیڤاڵ هاوبەشێکی زیاتری فێستیڤاڵەکە دەبێت. لەکۆتایی سەردانەکەیاندا، بەڕێوەبەرانی فێستیڤاڵی فیلمی نێودەوڵەتی سلێمانی سنەوبەری ئاڵتوونیان پێشکەش بە بەڕێز فاروق مستەفا ڕەسوڵ کرد ، کە ئەمەش بۆ یەکەمین جارە ئەم ڕێزلێنانە لەدەرەوەی فێستیڤاڵەکەدا ببەخشرێت بە کەسایەتی دیاری کوردستان و عێراق کە جگە لە خزمەت کردن و گەشەپێدانی شاری سلێمانی لە ڕێگەی پڕۆژەی جیاجیاوە، توانیویەتی ڕۆڵێکی بەرچاوی هەبێت لە پشتگیریکردنی هونەر و کەلتوور و ڕۆشنبیریدا.







159 views0 comments

Comments

Couldn’t Load Comments
It looks like there was a technical problem. Try reconnecting or refreshing the page.
bottom of page